1446 год. Договорная Грамота Суздальских Князей Василья Юрьевича и Фёдора Юрьевича с князем Дмитрием Юрьевичем (Шемякою) и с сыном его князем Иваном о бытии им в дружбе и согласии. - Гаврилов Посад - городок наш небольшой

Перейти к контенту

Главное меню:

1446 год. Договорная Грамота Суздальских Князей Василья Юрьевича и Фёдора Юрьевича с князем Дмитрием Юрьевичем (Шемякою) и с сыном его князем Иваном о бытии им в дружбе и согласии.

Логотип сайта



1446 год. Договорная Грамота Суздальских Князей Василья Юрьевича и Фёдора Юрьевича с князем Дмитрием Юрьевичем (Шемякою) и с сыном его князем Иваном о бытии им в дружбе и согласии.



1446 год. Договорная Грамота Суздальских Князей Василья Юрьевича и Фёдора Юрьевича с князем Дмитрием Юрьевичем (Шемякою) и с сыном его князем Иваном о бытии им в дружбе и согласии; о управлении всякому своими землями; о отобрании Суздаля у Князя Можайского Ивана Андреевича и купленных боярами в разныя времена Суздальских местех вотчин и о даче оных по прежнему им Князьям Суздальским; о незаключении мирных договоров с Великим Князем Василием Василиевичем, без общего согласия; о невзыскании чинимых в его отчине грабежей; о судах, расправах, и проч. – Писана около 1446 года.

Божьею милостию и пречистое его Богоматери. На сем на всем, Господин наш Князь Дмитрий Юрьевич, целуй к нам крест, ко мне ко Князю Василью Юриевичю и к моему брату молодшему ко Князю Федору Юриевичю: держати ти нас собе, меня Князя Василья Юриевича собе сыном, а брата моего молодшего Князя Федора Юриевича держати его собе братаничем; а сыну ти, Господине, своему Князю Ивану Дмитриевичю держати меня Князя Василья Юриевича братом ровным, а меня ти, Господине, Князя Федора Юриевича, держати сыну своему Князю Иоану братом молодшим; а нам тебя своего Господина держати мне Князю Василью Юриевичю Господином и отцем, а сына твоего Князя Ивана Дмитриевича держати ми его собе братом ровным; а мне Князю Федору Юриевичю держати ми тебя собе Господином и дядею, а сына ми твоего, Господине, Князя Ивана Дмитриевича держати ми его собе братом старешим. А добра ти нам, Господине, и твоему сыну хотети во всем везде, в Орде и на Руси; а нам, Господине, тобе и твоему сыну Князю Ивану добра хотети во всем везде, в Орде и на Руси. А в прадедину нашу и в дедину и в отчину в суздаль, в Новгород, в Городец, и в Вятку, и во всю пятенем Новгородскую тобе Господину нашему Князю Дмитрию Юриевичю и твоему сыну Князю Ивану не вступатися ни чим; а того ти, Господине, и твоему сыну Князю Ивану под нами не подзирати, блюсти, а не обидети, и под нашими детми, по крестному целованью. А Орда нам, Господине, знати собою. А по моем животе, тобе моему Господину Князю Дмитрию Юриевичю и твоему сыну под моим братом молодшим под Князем Федором такжо и не подзирати нашие отчины, блюсти, а не обидети. А что еси был, Господин наш Князь Дмитрий Юриевич, отступился своему брату Князю Ивану Андреевичю нашие отчины Суздаля, и тобе ныне тое нашие отчины Суздаля своему брату Князю Ивану не дати; а которыми си делы брат твой Князь Иван имется в нашу отчину вступати, и тобе нас от него боронити, а за нас ти стояти. А жити ти, Господине, и твоему сыну с нами, как жил твой дед Князь Велики Дмитрий Иванович с нашим прадедом с Великим Князем с Дмитрием Костянтиновичем, по старине и по докончанью. А кто будет, Господине, тобе Князю Дмитрию Юриевичю и твоему сыну друг, то и нам друг; а кто будет, Господине, тобе и твоему сыну недруг, то и нам недруг: а кто будет, Господине, нам друг, то и тобе и твоему сыну друг; а кто будет, Господине, нам недруг, то и тобе и твоему сыну недруг, и тобе нашему  Господину от того нашего недруга нас боронити. А что нам, Господине, слышев о твоем добре или о лисе от кого бы ни было, и нам то, Господине, тобе поведати вправду без хитрости, по крестному целованью. А лучится, Господине, тобе и твоему сыну каньчивати с Великим Князем Василием Васильевичем, или с его братьею молодшею, или с его детми, и тобе нашему Господину и твоему сыну без нас не каньчивати; а нам, Господине, без тебя и без твоего сына с ними не каньчивати. А что, Господине, в нашо неверемя ваши Князи служилые и ваши Бояре покупили в нашой отчине в Суздале у нас и у нашие братьи, и у наших Бояр, и у манастырей волости и села, или в Новгороде и на Городце; или что Князь Великий подавал в куплю, и грамоты свои подавал купленые: ино все те купли не в куплю, а те все волости и села нам по старине, и нашим Бояром; а тобе Господину нашему Князю Дмитрию Юриевичю, и вашим Князем и вашим Бояром в те волости и в села не вступатися. А что, Господине, брат твой Князь Иван Андреевич, держа за собою отчину нашю Суздаль, ин дал святой Троице село нашо уделное Шухобалово, а другое село нашо уделное жо продал своему Боярину Петру слободку Шиповскою
, а у Княгини у Марьи купил собе Князь Иван село Шокшов: ино, Господине, те села нам по старине; а что будет на Шокшов дал, ин Господине возьмет свою цену по крестному целованью, что будет на нем дал. А что, Господине, Князь Великий отимал у нас без пошлины села, да подавал святому Рожеству в манастырь в Володимир: и те села нам по старине, как было при нашем прадеде при Великом Князи Дмитрие Костянтиновиче, а десятое манастырю по старине. А вашему, Господине, Великому Княженью с нашею прадединою и дединою и отчиною суд по старине: а о обидных делех тобе, Господине, отслати судей опчих, а нам. Господине, отслати своих судей ини тому исправу учинят; а чего наши судьи не узнают, ино им третий ты Господин наш Князь Дмитрий Юрьевич до отца твоего до Митрополита. А коли, Господине, всядеш на конь, и нам, Господине, с тобою всести на конь со всеми людми; а где, Господине, пошлеш своего сына, и ми, Господине, с твоим сыном послати своего брата, или своего сына со всеми людми. А Бояром и детем Боярским и слугам межи нас волным воля. А кто имет жити в вашей отчине в Великом Княженье, а имет служити нам, и тобе их, Господине, и твоему сыну блюсти как и своих; а кто имет жити у нас, а имут служити тобе Князю Дмитрию Юрьевичю и твоему сыну, и нам их, Господине, блюсти как и своих. А приставов ти в нашю отчину не высылати, ни твоему сыну, ни закладней в нашой отчине не держати; а такжо и нам в твоем Великом Княженье закладней не держати. А ис чего где Господин наш выступит, и нам тобе о том поминути, и тобе ся того обыскати, а тобе нас жаловати; а где мы ис чего выступим, и тобе Господину нашему велети нам взвестити, и нам тобе челом бити, а тобе нас жаловати, а за то не сложити. А что будем где грабили и наши Бояре и наши люди в твоей отчине в Великом Княженье: ино тому всему дерте по та места, какожо даст ти Бог, велит достати своей отчины Великого Княженья. А суженого не посужати; а суженое, даное, положеное, заемное, кабалное, поручное дати по исправе; а холопу, робе от века суд. А на сем на всем, Господин наш Князь Дмитрий Юриевич, целуй к нам крест ко Князю Василью Юриевичю и ко Князю Федору Юриевичю, по любви, в правду.



источник: “Собрание государственныхъ грамотъ и договоровъ, хранящихся в Государственной Коллегии иностранныхъ делъ”, г.Москва, в типографии Н.С. Всеволожскаго, 1813 год.
Орфография и стиль сохранены, с адаптацией к современному правописанию. Документ подготовил к публикации В.Е. Махалов.


Упоминание: Шипово – слободка (село), Шекшово (село), 144
6год, документы, 15-й век,




Яндекс.Метрика
 
 
Главная | Гаврилов Посад | Гаврилово-Посадская земля - документы из истории | Документы до 1600 года | Документы с 1601 по 1789 год | Документы с 1790 по 1860 год | Документы с 1861 по 1916 год | Документы с 1917 по 1940 год | Документы с 1941 по 1953 год | Документы с 1954 по 1984 год | Документы с 1985 по 2000 год | Документы с 2001 по 2010 год | Документы с 2011 по 2020 год | Документы с 2021 по 2030 год | Села и деревни района, их история | Исчезнувшие села и деревни, их история | Люди, оставившие свой след в истории Гаврилово - Посадской земли | Культурная жизнь Гаврилово - Посадской земли | Археология Гаврилово-Посадской земли | Страница 984 | Страница 985 | Книга Памяти Гаврилово-Посадского района | Краеведческие публикации о Гаврилово-Посадской земле | Традиции кузнечного мастерства | Фотоальбомы Гаврилово-Посадской земли | Достопримечательности Гаврилово - Посадской земли | Союз краеведов Ополья | Гаврилово - Посадское благочиние | Главная Карта Сайта
Назад к содержимому | Назад к главному меню