1434 год, 5 июня. Докончание великого князя Василия Васильевича - Гаврилов Посад - городок наш небольшой

Докончание великого князя Василия Васильевича с князьями галицкими Дмитрием Шемякой и Дмитрием Красным Юрьевичами.
Грамота великого князя Василия Васильевича князьям Дмитрию Шемяке и Дмитрию Красному Юрьевичам.

Божьею милостью и пречистой его богоматери, на сем, братья молощая, князь Дмитрий Юрьевич и князь Дмитрии Юрьевич, целуйте ко мне крест, хъ своему брату старешому, великому князю Василью Васильевичю.
Держати вы подо мною мое великое княженье чесно и грозно, без обиды. А мне вас держати ceбе братьею молощою в любви и во чьти, без обиды. А держати ми вас по тому, как держал отец мой, князь великий Василей Дмитриевич, своего брата молощого, вашого отца, князя Юрья Дмитриевича, по грамотам по докончальным. А добра ми вам хотети во всем, везде, во Орде и на Руси. А што вы слышов о вашом добре или о лисъ от хрестьянина или от ыноверца, а то ми вам поведати в правду, без примышленья. А вам мне добра хотети во всем, везде, во Орде и на Руси. А што вы слышов о моем добре или о лисъ от хрестьянина или от ыноверца, а то вы мне поведати в правду, без примышленья. А хто будет вам друг,то и мне друг. А хто будем вам недруг, то и мне недруг. А хто будет мне друг, то и вам друг. А хто будет мне недруг, то и вам недруг. А не каньчивати вы без мене ни с кем. А мне не каньчивати без вас ни с кем. А с кем буду в доконьчанье, и мне и вас оучинити с ним в доконьчанье.
А где всяду сам на конь, и вам со мною пойти. А где ми послати вас пригожо, и вам пойти без ослушанья. А где пошлю своих воевод, и вам послати своих воеводъ с ними.
А очины ми под вами вашее, чем вас благословил отец ваш, князь Юрьи Дмитриевич, своию очиною, городы, и волостьми, и селы, так жо всем тем, чем аз вас пожаловал, дал есми вам во очину княж Костянтинов оудел Дмитриевича, Ржову и Оугличе с Московьскими жеребьи, и с волостми, и с селы, и с тем со всем, што было за князем за Костянтином за Дмитриевичем, и Бежицьким Верхом, што ся был есми отступил вашому отцу, князю Юрью Дмитриевичю, с волостьми и с селы, апроче Шачебала, и Ликурги, и Андмы, Ивановских сел Дмитриевича, Алабугина, и Еска, и Новоселки, и з деревнями, и со всем с тем, што к нему потягло, и с судом и з данью, за ту дань заводит нам, князь великий, в тысячьный оклад по полутрети рубля, а во Алабузино, и в Еско, и в Новоселки из Бежицкого Верха данных людей не примати, а Москва вы со мною держати по деда нашого грамоте по душовнои, великого князя Дмитрия Ивановича), а того ми под вами всего блюсти, а не обидети, ни вступатца.
А Бежицький вы Верх держати по старине с Новым городом.
А в Орду вы без моего веданья не слати никакими делы. А Орда ми оуправливати самому, великому князю. А оу вас ми имати в выход по старым девтерем, по крестъному целованью. А галицкие ми выти не взяти в выход на три годы. А переменитца Орда какими делы, а не дам выхода во Орду, и мне и оу вас не взяти.
А полон ми галицкои отдати, а сыскати по крестному.
А што будут на ваши люди, которые вам служить, пени старые или суды, и хто от судов и от пень оутекли, и от порук, или в нашо нелюбье межи нас и наших людей суды, и воины, и гра [так в рукописи!/ и грабежи, и тому всему дерт по нашо доконьчанье.
А Вятка по отца вашого последнему докончанью.
А натци вы мои, которые оу вас сидят, те вы отпустити слободны. А которые на поруце, а с теx вы порука свести. А на которые будете кобалы поймали или серебро перевели, а то вы с них все свести, опроче Василья Вепрева.
А што было отдати отцу вашому, што оу меня поимал или оу моее матери, хресты честные, иконы, или будет што иное, потому доконьчанью, и чего будет не отдал, а што будете оу вас, и то вам отдати по хрестному целованью. Тако же и нынеча, што будете взяти на Москве нынешним приходом оу меня, и оу моей матери, и оу моих князей, и оу бояр оу моих, и оу детей оу боярских, и што будет оу вас, и вам то отдати.
А што яз, князь великий, взял на поручник на княже на Дмитриеве на Ряполовского, на Петре, пятьдесят рублей, и то ми отдати. А што князь Иван Засека на nopyце во ста рублях и мне с него порука свести. А што ввел зять мой, князь Олександр Иванович, отцу вашому четыре села, два Гавриловские, да Ярышево, да Ивановское, в долгу в пятисот рублях, и мне- то вам отправити по доконьчанью. А запритца мои сестричич, и мне, князю великому, оу него суд взяти по доконьчанью.
А князеи вам со очинами не примати.
А бояром и дете боярским межи нас вольным воля. А осада городная, где хто живет, тут тот и сядет, опроче бояр введеных и путников. А где будет ити нашим ратем, и где хто живет в вашой очине, хто кому служил, тот идет своим осподарем. А где пошлю своего воеводу которого города, а которы люди вам того города вам служат, и тем людем ити под вашим воеводою, а вашому воеводе ити с моим воеводою. А хто служитъ мне, великому князем [так в рукописи!], а живет в вашой очини, и где пошлем своих воевод, и тем людем ити под моим воеводою, а вашим воеводам ити с моими воеводами. А хто служит мне, великому князю, а живут в вашой очине и вам тех людей блюсти, как и своих. А хто служит вам, а живут в моей очине, в великом княженьи, и мне, великому князю, тех людей блюсти, как и своих.
А даному, положеному, поручному, заемному, и кобальному, холопу, робъ, судъ по исправъ. А татя, и розбойника, рубежника, беглеца по исправе выдати. А суженого не посужати. А суд нам держати межи своих очинъ по старине, в правду, без перевода.
А на сем на всем, братья молощая, князь Дмитрий Юрьевич и князь Дмитрии Юрьевич, целуйте ко мне крест, х своему брату х старейшому, к великому князю Василию Васильевичю, в правду, без хитрости.
Помета на обороте (почерком XV в.): A в чем судья мои, великого князя, с брата моего судьею, со княжем с Дмитреевым Юрьевича Меншего, сопрутся, и они зовутся на третеи, а берут собе третьего из великого князя бояр дву бояринов, а изо княжих из Дмитриевых Юрьевича Меншего одного боярина. А воимянует третьих тот, которой ищет, а тот берет, на котором ищут. А не изберут собе третьего, из тех трех бояринов третьего, ино им третеи яз, князь велики. А не изберут coбе судьи из тез трех бояринов третьего, и они придут перед мене, перед великого князя, и мне велети ему брати из тех же трех бояринов третьего, на которых ся звали. А не взхочет тот, на ком искали, из тех трех бояринов третьего, и мне, князю великому, того обинити и велети на том лоправити.
А подписал Федко дьяк.
А подписана в лето 6000-ное и девятсотное и 40 осмое, месяца ИЮНЯ въ 24 день.

На лицевой стороне грамоты были привешены три черновосковые печати: в. кн. Василия Васильевича, кн. Дмитрия Юрьевича Шемяки и кн. Дмитрия Юрьевича Меньшого. В настоящее время от печатей сохранились лишь незначительные остатки.

Основание для датировки: пожалование Дмитрию Шемяке и Дмитрию Красному Юрьевичам Углича, Ржевы и Бежецкого Верха, по летописным данным, произошло в 1434 г. после смерти 5 июня кн. Юрия Дмитриевича (ПСРЛ, т. VIII, стр. 98—99; т. VI, стр. 149: т. XII, стр. 19—20; т. XVIII, стр. 175; т. XXIII, стр. 148). См. Черепнин, стр. 118—120.
Подлинник — ЦГАДА, Гос. древлехранилище, отд. I, рубр. II, № 23. Докончальная грамота ранее напечатана: Древняя Российская Вивлиофикаа ч. 9, изд. 1, стр. 288—295 № 37; ч. 1, изд. 2, стр. 249—254, № 37;

Источник: “Духовные и договорные грамоты великих и удельных князей. 14 – 16 век.” Издательство Академии Наук СССР, 1950 год, ответственный редактор – член-корреспондент АН СССР С.В. Бахрушин; подготовка к печати – Л.В. Черепнин.


Ключевые слова: Гаврилов Посад, Ярышево (село), 1434 год, 15-й век, документы